ಮುಂಬೈ ಷೇರುಪೇಟೆ

ಬಿಎಸ್‌ಇ ಲಿಮಿಟೆಡ್

ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್
ಅಧೀಕೃತ ಚಿಹ್ನೆ
ಮುಂಬೈನ ದಲಾಲ್ ಸ್ಟ್ರೀಟ್‌ನಲ್ಲಿರುವ ಕಾರ್ಯಾಲಯ
ಪ್ರಕಾರ	ಶೇರು ವಿನಿಮಯ ಕೇಂದ್ರ
ಸ್ಥಳ	ಮುಂಬಯಿ, ಮಹಾರಾಷ್ಟ್ರ, ಭಾರತ
ಸ್ಥಾಪನೆ	೯ನೇ ಜುಲೈ ೧೮೭೫
ಮುಖ್ಯ ವ್ಯಕ್ತಿಗಳು	ಪ್ರಮೋದ್ ಅಗರ್‌ವಾಲ್ (ಅಧ್ಯಕ್ಷ) ಸುಂದರರಾಮನ್ ರಾಮಮೂರ್ತಿ (ನಿರ್ವಾಹಕ ನಿರ್ದೇಶಕ & ಮುಖ್ಯ ಕಾರ್ಯನಿರ್ವಹಣಾಧಿಕಾರಿ
ಚಲಾವಣೆಯ ನಾಣ್ಯ/ಹಣ	ಭಾರತೀಯ ರೂಪಾಯಿ (₹)
No. of listings	೫,೩೯೪
ಮಾರುಕಟ್ಟೆ ಬಂಡವಾಳ	₹ ೪೨೦.೨೨ ಲಕ್ಷ ಕೋಟಿ (ಮೇ ೨೦೨೪ರಂದು ತಿಳಿದುಬಂದಂತೆ)
ಸೂಚ್ಯಂಕಗಳು	S&P ಬಿಎಸ್‌ಇ ಸೆನ್ಸೆಕ್ಸ್ ಬಿಎಸ್‌ಇ ೧೦೦ ಬಿಎಸ್‌ಇ ೫೦೦ ಬಿಎಸ್‌ಇ ಮಿಡ್‌ಕ್ಯಾಪ್ ಬಿಎಸ್‌ಇ ಸ್ಮಾಲ್‌ಕ್ಯಾಪ್
ಜಾಲತಾಣ	bseindia.com

ಮುಂಬಯಿ ಷೇರುಪೇಟೆ (ಆಂಗ್ಲ-ಬಾಂಬೆ ಸ್ಟಾಕ್ ಎಕ್ಸ್‌ಚೇಂಜ್-ಬಿಎಸ್‌ಇ) ವಿಶ್ವದಲ್ಲಿ ಅತ್ಯಧಿಕ ಸಂಖ್ಯೆಯ ಪಟ್ಟಿಯಲ್ಲಿ ಸಮ್ಮಿಲಿತವಾದ ಕಂಪನಿಗಳನ್ನು (ಲಿಸ್ಟಡ್ ಕಂಪನಿ) ಹೊಂದಿರುವ ಷೇರುಪೇಟೆಯಾಗಿದೆ. ಆಗಸ್ಟ್ ೨೦೦೭ರ ವೇಳೆ ಈ ಸಂಖ್ಯೆ ೪೭೦೦ರಷ್ಟಿತ್ತು. ಇದು ಭಾರತದ ಮುಂಬಯಿಯ ದಲಾಲ್ ಸ್ಟ್ರೀಟ್‌ನಲ್ಲಿ ನೆಲೆಗೊಂಡಿದೆ. ೩೧ ಡಿಸೆಂಬರ್ ೨೦೦೭ರಂದು, ಬಿಎಸ್ಇಯ ಪಟ್ಟಿಯಲ್ಲಿ ಸಮ್ಮಿಲಿತವಾದ ಕಂಪನಿಗಳ ಷೇರುಗಳ ಆಧಾರದ ಮೇಲೆ ಮಾರುಕಟ್ಟೆ ನಿಷ್ಕರ್ಷಿತ ಮೌಲ್ಯವು (ಮಾರ್ಕೆಟ್ ಕ್ಯಾಪಿಟಲೈಜೇಶನ್) ೧೭೯೦೦೦ ಕೋಟಿ ಡಾಲರ್‌ಗಳಷ್ಟಿತ್ತು, ಹಾಗಾಗಿ ಅದು ದಕ್ಷಿಣ ಏಷ್ಯಾದ ಅತಿ ದೊಡ್ಡ ಮತ್ತು ವಿಶ್ವದ ೧೨ನೇ ಅತಿ ದೊಡ್ಡ ಷೇರುಪೇಟೆಯೆಂಬ ಹೆಗ್ಗಳಿಕೆ ಪಡೆಯಿತು. ಮುಂಬಯಿ ಷೇರುಪೇಟೆ ಬೆಳಿಗ್ಗೆ ೯:೦೦ ಘಂಟೆಯಿಂದ ಮಧ್ಯಾಹ್ನ ೩:೩೦ ರ ವರೆಗೆ ವಾರದಲ್ಲಿ ಐದು ದಿನ (ಶನಿವಾರ, ರವಿವಾರ ಹೊರತುಪಡಿಸಿ)‌‌ ಕಾರ್ಯ ನಿರ್ವಹಿಸುತ್ತದೆ. ಏಪ್ರಿಲ್ 26, 2017 ರ ವರದಿಯ ಪ್ರಕಾರ, ಸೆನ್ಸೆಕ್ಸ್ 30,133.35 ಕ್ಕೆ ಕೊನೆಗೊಂಡಿತು, ಇದು 30,000 ಮಟ್ಟವನ್ನು ಮೀರಿ ಮೊದಲ ಬಾರಿಗೆ ಕೊನೆಗೊಂಡಿತು.